На прэзідэнцкі грант расійскія школьнікі намалявалі коміксы пра павешанне і забойствы
Пакаранне смерцю праз павешанне і забойства ўкраінцаў намалявалі расійскія дзеці для конкурсу коміксаў «Героі рускіх перамог», прафінансаванага прэзідэнцкім фондам.
Некалькі старонак часопіса з 10 дзіцячымі працамі гэтага конкурсу зʼявіліся ў сацсетках Фонду прэзідэнцкіх грантаў. Фонд выдаткаваў на гэты праект амаль тры мільёны рублёў, заўважыў рэсурс «Агентство. Новости».
Аўтары праекта ў заяўцы на грант адзначалі, што цяперашняе маладое пакаленне «супраціўляецца або ігнаруе спробы прышчапіць ёй традыцыйныя ўяўленні аб патрыятызме». І з дапамогай свайго праекта яны разлічвалі даць падлеткам магчымасць «паказаць грамадству свае патрыятычныя перакананні і пераадолець негатыўныя ўстаноўкі». Конкурс падтрымалі патрыятычныя арганізацыі і ўлады Маскоўскай вобласці.
На кадрах, апублікаваных у сацсетках фонду, ёсць фінал комікса пра Зою Касмадзямʼянскую. Комікс, намаляваны 15-гадовай дзяўчынкай, заканчваецца пакараннем смерцю праз павешанне.
На яшчэ адным кадры — фінал комікса пра вайну ва Украіне, дзе расійскія вайскоўцы са словамі «Нельга даць украінскім нацыстам схавацца» знішчаюць батарэю гармат разам з людзьмі.
Частку накладу часопіса раздалі дзецям падчас цырымоніі ў музеі на Паклоннай гары, частку плануюць перадаць у школы і моладзевыя арганізацыі.
Гайдукевіч і прапагандыст Гусачэнка таксама паспрабавалі зняць з сябе санкцыі ЕС. Але першы нядаўна сам прасіў яшчэ болей санкцый
Беларускія памежнікі ласкава запрасілі ўкраінскіх калег на беларускі боршч. З’едлівы тролінг паміж пагранічнікамі дзвюх краін працягваецца ВІДЭА
«Халодная люць у нейкі момант мяне апанавала». «N.R.M.» збірае грошы на дапамогу палку Каліноўскага і едзе туды з канцэртам
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары