Іран заявіў пра гатоўнасць абмяркоўваць з ЗША ступень узбагачэння ўрану
Іран заявіў, што гатовы да перамоў з ЗША па ключавых пытаннях — у тым ліку адносна ўзроўню ўзбагачэння ўрану і бяспечнага суднаходства ў Армузскім праліве, паведамляе The Moscow Times.
Прадстаўнік іранскага МЗС Эсмаіл Багаі адзначыў, што тэма ўзбагачэння ўрану не новая: Тэгеран і раней заяўляў пра гатоўнасць абмяркоўваць як сам працэс, так і яго маштабы. Аднак Іран настойвае, што мае права развіваць ядзерную праграму ў адпаведнасці са сваімі патрэбамі.
Акрамя гэтага, Іран можа разгледзець магчымасць бяспечнага праходу цывільных суднаў праз частку Армузскага праліва, якая прымыкае да Аману. Гэта магчыма пры ўмове, што ЗША пагодзяцца на пэўныя патрабаванні Тэгерана і будзе дасягнута дамоўленасць, якая выключыць новыя атакі супраць Ірана. Пры гэтым пакуль незразумела, ці будзе забяспечаны праход для ўсіх суднаў без выключэння і ці будуць знятыя магчымыя мінныя загароды.
Каб паспець дамовіцца, бакі абмяркоўваюць падаўжэнне дзейнага перамір’я яшчэ на два тыдні. Цяпер яно павінна скончыцца 21 красавіка. Перамовы працягваюцца, і, паводле інфармацыі крыніц, ужо ёсць пэўны прагрэс — бакі наблізіліся да папярэдняга пагаднення аб спыненні вайны.
Тым не менш, канчатковае пагадненне пакуль не гарантаванае, бо паміж Іранам і ЗША застаюцца сур’ёзныя рознагалоссі. Чакаецца, што новы раўнд перамоў можа адбыцца ў найбліжэйшыя дні, але дакладная дата яшчэ не вызначаная.
У Дубаі пасля іранскіх удараў закрываюць на рэканструкцыю знакаміты «гатэль-ветразь»
Першы кітайскі танкер, які спрабаваў прарваць блакаду Армузскага праліва, вярнулі назад
Кітай мог перадаць Ірану свой спадарожнік для навядзення ўдараў па амерыканскіх аб'ектах
Рэжым у Іране змяніўся — прычым у горшы бок
Трамп назваў абавязковую ўмову для здзелкі з Іранам
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары
Якое нахабства, на мяжы зьдзеку. Хто ўвогуле даў ім права распараджацца суднаходствам у чужых тэрытарыяльных водах ? Бач, яны згодныя гарантаваць бясьпечную навігацыю ў тэрводах Амана!...
"Тэгеран і раней заяўляў пра гатоўнасць абмяркоўваць як сам працэс, так і яго маштабы." -> Толькі чамусьці ўзровень узбагачэньня атрымліваўся прыдатны для стварэньня я.з. Пэўна праз недагляд, варылі адно, а зварылі іншае... Бывае...:)