Наймагутнейшая гаспадарка Магілёўскага раёна ААТ «Новая Друць» заарала каля вёскі Вольніца поле з нявыкапанай бульбай.
Наймагутнейшая гаспадарка Магілёўскага раёна ААТ «Новая Друць» заарала каля вёскі Вольніца поле з нявыкапанай бульбай.
На свае вочы бачыў, як магутныя МТЗ заворвалі поле з нявыкапанай бульбай. Праўда, з другога боку палетка працаваў трактар з культыватарам, а людзі, якія наперад дазналіся пра тое, што тут будзе, збіралі бульбу ў кошыкі і вёдры. Сярод іх былі як мясцовыя жыхары, так і тыя гараджане, што прыехалі па разнарадцы ад службы занятасці, якую ў народзе завуць «біржай». Працавалі яны нядоўга. А трактары з плугамі працягвалі працаваць на ўчастку з некранутымі барознамі, цяпер ужо адкрыта закопваючы ў зямлю вырашчаны ўраджай бульбы, якая сёлета ледзь не ў дэфіцыце.
Жыхары навакольных вёсак былі літаральна шакіраваны такім развіццём падзей. Па словах Аляксандра, жыхара вёскі Вольніца, пасля бульбаўборачных камбайнаў падбіраць бульбу дазволілі ўсяго пару дзён:
«Перад гэтым амаль тыдзень ахоўнікі гаспадаркі праганялі людзей ад поля, дзе трактары заворвалі ўраджай.А на маім уласным полі бульба з‑за дажджоў прапала. Ці можна было мне дый маім аднасяльчанам спакойна глядзець на закопванне бульбы?! Ды людзі б з вялікай ахвотай выкапалі б вырашчанае ўласнымі рукамі, а так…».
Аднак адміністрацыя «Новай Друці» чамусьці вырашыла, што лепш закапаць ураджай у зямлю.
Людзі гадаюць: ці рабілася гэта дзеля справаздачы аб тым, што ўборка завершана, ці таму, каб людзі набывалі бульбу ў саўгаснай краме, дзе яна каштуе нямала?
Або яшчэ па якой прычыне? Знайсці разумны адказ, сапраўды, не так і лёгка.]
Каментары