Узровень вады на правым беразе зніжаецца, на левым — сітуацыя горшая — украінскі бок
Узровень вады ў Кахоўскім вадасховішчы працягвае зніжацца, і на 8-ю раніцы 11 чэрвеня ў раёне Нікапаля ён склаў 9,35 м, як паведамляе «Укргідраэнерга».

За суткі узровень вады знізіўся больш чым на метр, а з моманту падрыву — больш чым на 7 метраў.
Узровень вады ў Херсонскай вобласці за ноч знізіўся на 26 сантыметраў, пра гэта паведаміў кіраўнік адміністрацыі рэгіёна Аляксандр Пракудзін.
Падтопленыя 32 населеныя пункты і 3784 дамы. Эвакуяваныя 2716 чалавек, пра гэта паведаміў Пракудзін.
Каментуючы сітуацыю на анексаванай Расіяй частцы Херсонскай вобласці, Пракудзін заявіў, што эвакуацыю там «правалілі»:
«На левым беразе такой станоўчай дынамікі няма. Зменшылася дынаміка спаду вады. Эвакуацыя праваленая. Акупанты адбіраюць у людзей лодкі і самі аплываюць затопленыя дамы, забіраючы ацалелую маёмасць».

Плаціну Кахоўскай ГЭС узарвалі ноччу 6 чэрвеня. Гэта прывяло да затаплення шырокіх тэрыторый у Херсонскай вобласці, размешчаных ніжэй па плыні Дняпра.
Чытайце таксама:
Што неабходна ведаць пра Кахоўскую ГЭС і да чаго можа прывесці яе падрыў
Кіраўнік «Укргідраэнерга» апісаў два сцэнары развіцця падзей на Кахоўскай ГЭС
Акупаваная расейцамі Кінбурнская каса цалкам адрэзаная. Гэта дае шанец для Украіны
Каментары