Вяселле, па інфармацыі «Нашай Нівы», прайшло ў адной з мінскіх кальянных. Фотаздымак з рэгістрацыі выклаў сам Раман Пратасевіч, але твар абранніцы заблюрыў.
Раней Пратасевіч заяўляў, што ўжо быў жанаты. У сацсетках публікавалася нават фота ў ЗАГСе ў студзені 2019-га (але за 10 дзён да гэтага блогер пісаў у твітары, што каханая кінула яго за тыдзень да шлюбу, невядома, наколькі можна верыць гэтай інфармацыі).
Імя тагачаснай абранніцы не паведамлялася, Пратасевіч асабліва не расказваў пра яе.
Праўда, у базе «Кіберпартызанаў» інфармацыі пра ягоны ранейшы шлюб няма.
Ужо ў маі 2019 года Пратасевіч выклаў пост у твітары, што пара падала на развод.
Пасля падзей 2020-га блогер выехаў з Беларусі і сустракаўся з іншымі дзяўчатамі. Адной з іх была Сафія Сапега.
Па інфармацыі «Нашай Нівы», другі раз Пратасевіч ажаніўся з той самай дзяўчынай. Адзначалі вяселле нібыта ў адной з кальянных мінскай сеткі «Мята».
Нам таксама стала вядома імя дзяўчыны. Яе завуць Маргарыта Грыцкевіч.
Яна скончыла Мінскі медыцынскі ўніверсітэт і, прынамсі, у 2018-м працавала правізаркай-рэцэптаркай у мінскай аптэцы № 58.
Знайсці сацыяльныя сеткі Маргарыты Грыцкевіч нам не ўдалося. Нумары яе бацькоў недаступныя ці змененыя, бацькава старонка ў «Аднакласніках» пачышчана.
Гісторыя адносін пары невядомая.
Нядаўна паведамлялася, што за час ад прызямлення самалёта Пратасевіч паспеў стаць бацькам — пра гэта заявіў адвакат Сафіі Сапегі Антон Гашынскі. Але пазней прапагандыст Ігар Тур напісаў, што гэта няпраўда.
Тур, дарэчы, апісваў і іншыя дэталі з асабістага жыцця Пратасевіча. Ён іх даведаўся, калі чытаў перапіску з тэлефона Рамана. Прапагандыст пісаў, што хоць паміж Пратасевічам і Сапегай былі нейкія адносіны, «пачуцці ў Рамана былі наогул да іншай дзяўчыны, якая за яго шчыра перажывала і перажывае да гэтага часу і якая была вельмі супраць яго сувязі з Сафіяй».
Ці не на Грыцкевіч ён намякаў?
Чытайце таксама: Каго і чаму здаў Раман Пратасевіч. Гэта гісторыя пра тое, як адно фота можа змяніць усё жыццё. Многа жыццяў
-
Твар ГУБАЗіКа пахвалілася медалём «За заслугі перад спецназам» з эмблемай Расгвардыі. Яго можна купіць за 40 рублёў
-
Бондарава б’е трывогу: у Бабруйску Ленін пакрыўся цвіллю, а на адміністрацыю павесілі «БЧБ-арнамент» з дзяржсцяга
-
«Замест «бялкі» напісана пра нейкіх вавёрак». Маладая настаўніца выкладае хімію на беларускай мове і расказвае, як яно
Цяпер чытаюць
«Я сказаў на відэа, што мяне не катуюць — на той момант гэта было праўдай. А пасля мяне білі дзве гадзіны». Украінскі журналіст два гады правёў у расійскім палоне — вось што ён перажыў1
Каментары