20 лістапада быў апублікаваны новы рэйтынг-ліст Міжнароднай федэрацыі футбола (ФІФА).
За месяц футбольная зборная Беларусі страціла ажно сем пазіцый
і апусцілася на 80‑ы радок (зараз у нас 426 балаў).
79‑е месца ў зборнай Уэльса, 81‑е месца — у Трынідада і Табага.
На 77-м месцы знаходзіцца Новая Зеландыя - зборная, што заваявала пуцёўку на чэмпіянат свету па футболе. Аўстралія, што лічыцца найлепшай камандай Азіяцкай футбольнай федэрацыі, займае 21-ы радок у свеце.
За месяц, што прайшоў з часу складання папярэдняга рэйтынга (16 кастрычніка), зборная Беларусі згуляла ўнічыю з Саудаўскай Аравіяй (1:1) і прайграла Чарнагорыі (0:1).
Калі ж улічваць толькі рэйтынг еўрапейскіх зборных (а гэта 53 асацыяцыі),
то беларусы ў Еўропе знаходзяцца на 39‑м радку.
Горшыя, чым у нас пазіцыі ў Еўропе ў Ісландыі, Малдовы, Албаніі, Арменіі, Эстоніі, Азербайджана, Казахстана, Фарэраў, Грузіі, Люксембурга, Мальты, Ліхтэнштэйна, Андоры і Сан‑Марына. Апошняя зборная займае 53‑е месца ў рэйтынгу УЕФА і дзеліць 203‑ці апошні радок (разам з Монтсэратам, Ангуілай, амерыканскім Самоа і Папуа-Новай Гвінеяй) у рэйтынгу ФІФА.
Што да рэйтынгу ФІФА: Расія — на 13‑м месцы (10‑я ў Еўропе), Украіна — 24‑я (14‑я ў Еўропе), Славенія і Славакія — каманды, што прабіліся на чэмпіянат свету, — займаюць адпаведна 33 і 34 радкі (20 і 21‑я ў Еўропе), Латвія — 45‑я (26‑я ў Еўропе), Польшча — 56‑я (31‑я ў Еўропе), Літва — 60‑я (32‑я ў Еўропе).
Зборная Чарнагорыі, што перамагла ў сераду Беларусь у таварыскай гульні (0:1) перамясцілася з 75‑га на 73‑е месца ў свеце (37‑е ў Еўропе).
Топ‑10 каманд свету: Іспанія, Бразілія, Галандыя, Італія, Партугалія, Германія, Францыя, Аргенціна, Англія, Харватыя.
Цяпер чытаюць
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары