Польскія памежнікі заявілі, што іх упершыню абстралялі з тэрыторыі Беларусі
«Невядомы снарад прабіў наскрозь дзве бакавыя шыбы нашага аўтамабіля. Гэта вельмі не падобна да пнеўматыкі».
Некалькі дзён таму аўтамабіль польскіх памежнікаў трапіў пад абстрэл з тэрыторыі Беларусі. Пра гэта 15 чэрвеня паведаміў прадстаўнік памежнай службы Польшчы палкоўнік Аркад'юш Тывонюк падчас выступу ў польскім Сейме, перадае радыё RMF24.
Па словах палкоўніка, двое яго падначаленых афіцэраў сталі сведкамі пашкоджання іх машыны падчас патрулявання польска-беларускай мяжы. Невядомы снарад прыляцеў з тэрыторыі Беларусі і прабіў дзве бакавыя шыбы аўтамабіля.
«Нас упершыню абстралялі з тэрыторыі Беларусі. Невядома, хто і з чаго страляў, аднак хуткасць і кінетычная энергія снарада былі значнымі, што не падобна да пнеўматыкі. У выніку невядомы снарад прабіў дзве бакавыя шыбы аўтамабіля, праляцеўшы наскрозь. Гэта паставіла пад пагрозу жыццё і здароўе маіх падначаленых», — расказаў прадстаўнік польскай памежнай службы палкоўнік Аркад'юш Тывонюк.
Ён таксама дадаў, што толькі з пачатку гэтага года нелегальныя мігранты здзейснілі ўжо 12 300 спроб незаконнага пранікнення на тэрыторыю Польшчы. Штодзённа ў бок польскіх пагранічнікаў з Беларусі раз-пораз прылятаюць камяні і іншыя рэчы.
Нагадаем, што зусім нядаўна памежная служба Латвіі афіцыйна паведаміла, што ў канцы мінулага года былі зафіксаваны спробы рэжыму Лукашэнкі ўручыць мігрантам зброю для правакацыі перастрэлак з памежнікамі Еўрасаюза, аднак мігранты зброі не ўзялі.
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары
увесь цывілізаваны свет мусіць ведаць герояў твар. не?