Следчы камітэт паведамляе, што ноччу 22 чэрвеня адбылося ўзгаранне ў сядзібе Манюшкі, размешчанай у гарадскім пасёлку Смілавічы. Агнём пашкоджаны флігель, які прызнаны гісторыка-культурнай каштоўнасцю.
Адна з прыярытэтных на цяперашні момант версій узнікнення пажару — неасцярожнае абыходжанне з агнём.
Усе абставіны здарэння Чэрвеньскі раённы аддзел Следчага камітэта абяцае высветліць у ходзе праверкі.
Палацава-паркавы комплекс у Смілавічах — помнік архітэктуры XIX — пачатку XX стагоддзя, які з'явіўся дзякуючы дзеду знакамітага кампазітара Станіслава Манюшкі.
На сёння ад былой пышнасці захаваліся два палацы: стары, пабудаваны напачатку XIX стагоддзя ў псеўдагатычным стылі, і новы, прыбудаваны ў 1900 годзе да корпуса, які ўжо быў, у стылі неаготыкі з элементамі мадэрну. Акрамя таго, захаваліся флігелі і гаспадарчыя пабудовы.
Каментары