Армія Расіі прыкладна ў 19:32 абстраляла цэнтр Краматорска на Данеччыне, патрапіўшы ва ўстановы грамадскага харчавання, дзе была «вялікая колькасць людзей». Пра гэта паведаміў начальнік абласной вайсковай адміністрацыі Павел Кірыленка ў эфіры тэлемарафону «Адзіныя навіны».
«Звесткі пра пацярпелых і разбурэнні высвятляюць. На месцы здарэння разгарнулі аператыўны штаб, усю неабходную дапамогу будуць аказваць параненым», — адзначыў Кірыленка.
Як паведамілі ў Краматорскай гарадской вайсковай адміністрацыі, на месцы ракетнага ўдару ў цэнтры Краматорска вядуць пошукава-выратавальныя працы.
Паводле звестак міністра ўнутраных спраў Украіны Ігара Кліменкі, у выніку абстрэлу загінулі 2 чалавекі, 22 атрымалі траўмы, з якіх 1 дзіця.
«Пашкоджаныя будынкі ўстановы харчавання і некалькі прыватных дамоў. Працягваецца разбор завалаў. Там могуць знаходзіцца людзі. Ратавальнікі і паліцэйскія працуюць на месцы», — паведаміў Кліменка.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары