22 снежня праваабаронцы прызналі палітвязнямі яшчэ 23 чалавек. Агульная колькасць людзей, якія на сёння прызнаныя ў Беларусі палітвязнямі, складае 1124 чалавекі.
У спіс палітзняволеных былі дададзеныя наступныя прозвішчы:
Павел Іваноў, Валерый Залівака, Віталь Петручук, Аляксандр Караткевіч, Павел Шарко, Сяргей Салаш, Юрый Храмееў, Мікалай Ішчук, Уладзіслаў Якубоўскі, Уладзіслаў Макарэвіч, Сяргей Сікорскі, Сяргей Стрыбульскі, Аляксандр Бігель, Уладзіслаў Горскі, Ігар Чарпакоў, Валерый Пазнякевіч, Раман Канцавы, Валерый Сахарчук, Уладзімір Ісаеў, Вадзім Сычугоў, Яўген Сіцько, Уладзімір Леасевіч, Дзяніс Пяткевіч.
Хто гэтыя людзі і чаму праваабаронцы лічаць іх справы палітычна матываванымі, можна даведацца тут і тут.
Спіс усіх палітвязняў Беларусі — тут.
Усяго на гэты момант палітвязнямі, паводле ацэнак праваабаронцаў, прызнаныя 1124 чалавек. Апошнім часам агульная іх колькасць істотна не расце і нават часам змяншаецца. Але гэта не таму, што рэпрэсіі ў Беларусі меншаюць, — проста паралельна з новымі выпадкамі зняволення па крымінальных справах ідзе працэс вызвалення тых асуджаных, хто цалкам адбыў свой тэрмін. Некаторых вызваляюць і па памілаваннях, хоць на іх месца няспынна набіраюць новых вязняў. Таксама суды некаторым прысуджаюць «хатнюю хімію», пасля чаго чалавек выходзіць з турэмных сцен, таму больш не лічыцца вязнем.
Варта таксама ўлічваць, што ў статыстыку ўваходзяць далёка не ўсе, хто знаходзіцца ў зняволенні з палітычных прычын, рэальная колькасць беларускіх палітвязняў большая. Пра некаторых праваабаронцам проста нічога не вядома.
-
Акунін расказаў, што неабходна, каб выжыць, калі ты застаўся ў кепскай краіне
-
64‑гадовага віцэ-чэмпіёна па аўтаспорце кінулі ў калонію за палітыку. Арыштавалі пасля вяртання з-за мяжы
-
Ціханоўская да 15‑й гадавіны трагедыі ў мінскім метро: Сёння — дзень памяці і болю, які жыве ў нашых сэрцах ужо 15 гадоў
Цяпер чытаюць
Паступова выйшлі на волю арыштаваныя па «Справе кнігароў». Акрамя аднаго4
Каментары