Міністр абароны Літвы: Грошы ад транзіту беларускага калію праз Літву можна пералічваць Украіне
Міністр абароны Літвы Робертас Каунас мяркуе, што ў выпадку ціску на Літву з патрабаваннем аднавіць транзіт беларускіх угнаенняў праз Клайпедскі порт можна было б абмяркоўваць накіраванне атрыманых ад гэтага сродкаў на падтрымку Украіны, піша LRT.
Паводле слоў літоўскага міністра, калі краіне давялося б рабіць такі выбар, то трэба мець розныя варыянты. Каунас адзначыў, што Клайпедскі порт з’яўляецца найбольш выгадным маршрутам для экспарту, і нагадаў пра прыкладна 300 мільёнаў еўра даходаў. На яго думку, гэтыя грошы маглі б пералічвацца Украіне, што дазволіла б адначасова вырашыць некалькі задач. Аднак ён падкрэсліў, што пакуль гэта толькі развагі.
Транзіт калійных угнаенняў кампаніі «Беларуськалій» праз Літву быў спынены 1 лютага 2022 года пасля ўвядзення ЗША санкцый супраць гэтага беларускага прадпрыемства ў 2021 годзе. Пазней абмежаванні ўвёў і Еўрапейскі саюз. Да гэтага прадукцыя «Беларуськалія» больш за дзесяць гадоў перавозілася з мяжы з Беларуссю да Клайпедскага порта.
На мінулым тыдні ЗША знялі свае санкцыі ў абмен на вызваленне больш як ста зняволеных у Беларусі. Пасля гэтага дарадца прэзідэнта Літвы ў нацыянальнай бяспецы Дэйвідас Матулёніс заявіў, што ў будучыні ЕС і Літве, магчыма, давядзецца зноў перагледзець санкцыйную палітыку ў дачыненні да беларускіх угнаенняў. Аднак кіраўніцтва краіны запэўнівае, што пакуль змякчэння абмежаванняў не плануецца.
ЕС увёў санкцыі супраць «Беларуськалія» 2 сакавіка 2022 года, забараніўшы перавозку калійных угнаенняў з Беларусі. Гэтыя меры рэгулярна падаўжаюцца, а новае рашэнне чакаецца ў пачатку наступнага года.
Матулёніс таксама паведаміў, што амерыканскі бок пакуль не абмяркоўваў з літоўскімі ўладамі магчымасць аднаўлення транзіту праз Клайпеду. Ён дадаў, што ў тэорыі такое рашэнне магло б быць звязана з размяшчэннем дадатковых вайсковых сіл ЗША ў Літве, але пазней удакладніў, што гэта была яго асабістая, неўзгодненая пазіцыя.
У Літве дапусцілі транзіт беларускага калію і прапанавалі ўвязаць яго з прысутнасцю сіл ЗША ў краіне
Літва не будзе прапускаць беларускі калій праз Клайпеду, нягледзячы на адмену санкцый ЗША
МЗС Беларусі пахваліла Літву за змену рыторыкі, але афіцыйнага запыту ад Вільні на арганізацыю сустрэчы не паступала
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам27
Каментары
Жаба. Бо, усе ж 300 мільёнаў еўра даходаў.