Ціханоўская аддала 15 тысяч еўра ад Лукашэнкі на падтрымку палітвязняў
У інтэрв'ю журналісту «Еўрарадыё» Змітру Лукашуку лідарка беларускіх дэмакратычных сіл Святлана Ціханоўская паведаміла «Еўрарадыё» пра лёс 15 тысяч даляраў, якія ёй уручылі ў жніўні 2020 годзе ў Мінску перад тым, як выправіць за мяжу.
Па словах Ціханоўскай, гэтыя грошы яна перадала на збор у падтрымку вызваленых палітвязняў.
«Давайце лічыць гэта данатам ад рэжыму нашым палітзняволеным», — сказала Ціханоўская.
Пра тое, што Святлане Ціханоўскай перад яе прымусовай высылкай у Літву ў 2020 годзе прадстаўнікі рэжыму Лукашэнкі выдалі 15 тысяч еўра, прапаганда стала расказваць неўзабаве пасля таго.
Сёлета 6 жніўня ў эфіры дзяржаўнага канала АНТ паказалі кадры аператыўнай здымкі 10 жніўня 2020 года з мінскай кватэры Ціханоўскіх. На іх відаць, як начальнік аператыўна-аналітычнага цэнтра (ААЦ) Андрэй Паўлючэнка перадае Святлане Ціханоўскай пакунак.
На відэа змесціва пакунку не было відаць, але сам Паўлючэнка казаў, што ў ім грошы. Пасля дэманстрацыі гэтага сюжэту Ціханоўская заявіла, што толькі пасля таго вырашыла распячатаць пакунак, які праляжаў у яе без малога пяць гадоў.
У пакеце сапраўды было 15 тысяч еўра новымі купюрамі, паведаміла яна.
«Пра гэты злашчасны канверт я не расказвала, таму што мне было сорамна, што ён у мяне апынуўся. Я не хацела да яго нават дакранацца», — сказала тады Ціханоўская.
«Канверт для Ціханоўскай». Геніі-лукашысты зноў самі сябе выкрылі і высцебалі
Што вядома пра Паўлючэнку, які ў 2020 годзе перадаў Ціханоўскай скрутак з грашыма і суправадзіў да мяжы?
Ён быў як жывы шчыт. Марыя Мароз расказала, чаму яны з Ціханоўскай патрабавалі, каб з імі да мяжы ехаў кіраўнік ААЦ Паўлючэнка
На канверце Ціханоўскай напісана «Медведю О.В.» Што гэта за чалавек?
Ціханоўская: Ніякіх грошай я не прасіла, мне проста ўсунулі гэты канверт. Яго да сёння не распячатвала
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі43
Каментары
Канечне, можна было б зараз тыя грошы мужу аддаць (ён жа тожа быу зняволеным), а потым рэйкi пацалаваць ад таго цягнiка, на якiм ён з'ехау. Але пасля яго хамства - дулю яму. Усё правiльна яна зрабiла.
[Зрэдагавана]