На час саміту НАТА ў Вільні схаваюць старыя тралейбусы, адзін з сімвалаў горада
У сталіцы Літвы рыхтуюцца да саміту НАТА. На вуліцах, дзе будуць ехаць дэлегацыі, рамантуюць праезную частку і тратуары. А ўсё тое, што не паспеюць прывесці ў парадак, схаваюць. У тым ліку і старыя віленскія тралейбусы.
«Мы ацанілі сітуацыю на дарогах падчас саміту 11-12 ліпеня. Пад тыя абмежаванні, якіх чакаюць, верагодна, хопіць новых тралейбусаў, якія ёсць. Калі іх не хопіць, выедуць і старыя», — прыводзіць цытату прадстаўнікоў ЗАТ «Віленскі грамадскі транспарт» выданне Madeinvilnius.lt.
У кампаніі адзначаюць, што цяпер дзейнічае новы расклад руху грамадскага транспарту. Як звычайна, улетку скарачаецца колькасць маршрутаў, таму кампанія паспрабуе выпусціць на вуліцы толькі новыя тралейбусы, каб палепшыць камфорт пасажыраў.
Старыя тралейбусы Škoda — гэта адзін з сімвалаў сталіцы Літвы, якому больш за 30 гадоў. Іх эксплуатуецца каля 160 адзінак, замяніць іх плануюць да 2026 года.
На час саміту НАТА 10-13 ліпеня грамадскі транспарт у Вільні будзе бясплатным.
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары