Паглядзіце, якія футболкі выпусцілі да ІІ гульняў краін СНД. Адзін з вобразаў навеяны маляванкамі Алены Кіш
Тры тысячы футболак з бавоўны з сімволікай будучых II гульняў краін СНД паставіць у краіны фабрыка «Світанак», піша БелТА.
На прадпрыемстве распрацаваныя тры мадэлі футболак.
На футболкі для мужчын і жанчын нанесеная васьміканцовая зорка, што ператвараецца ў валошку.
На дзіцячых футболках вытворцы адлюстравалі талісман гульняў — беларускую рысь, вобраз, навеяны маляванкамі мастачкі Алены Кіш. Нанесеныя выявы метадам лічбавага друку на белым палатне.
Дзіцячыя мадэлі пачынаюцца з 30 памеру, дарослыя ў мужчынскім варыянце дасягнулі памеру 60 пры росце 176.
II Гульні краін СНД пройдуць у Беларусі ад 4 да 14 жніўня ў 11 гарадах, прыедуць больш за 6 тысяч удзельнікаў. Улады на фоне выключэння беларускіх і расійскіх спартоўцаў з міжнародных спаборніцтваў абяцаюць «вялікае спартыўнае свята».
Стала вядома, чаму пераможца беларускага адбору «Міс Сусвет» не едзе на конкурс. Яна знайшлася ў СІЗА13
Каментары