Затрымлівалі аднаго з наймацнейшых шахматыстаў Беларусі Дзмітрыя Буланава
Яго вінавацяць ва ўдзеле ў пратэстах і рэпостах.
Дзмітрыю Буланаву 32 гады. Ён з Брэста і ўсё жыццё займаўся шахматамі. Мужчына вучыўся ў Беларускім дзяржаўным універсітэце фізічнай культуры на спецыялізацыі «шахматы». У прафесійных турнірах пад эгідай Міжнароднай шахматнай федэрацыі (FIDE) удзельнічаў з 2006 года, калі яму было 15 гадоў. Цяпер займае 28-е месца сярод усіх беларускіх гульцоў і мае званне майстра FIDE.
У 2020-м Дзмітрый з калегамі стварылі групу «Свабодныя шахматысты Беларусі» і пачалі выступаць пад бел-чырвона-белым сцягам. Разам з камандай, у якую ўваходзяць адны з наймацнейшых беларускіх шахматыстаў, двойчы выйгралі шахматную Бундэслігу.
Днямі Дзмітрыя Буланава затрымаў ГУБАЗіК. Яму закідаюць удзел у пратэстах, рэгістрацыю ў плане «Перамога» і перасылку экстрэмісцкіх матэрыялаў (але часта сілавікі прымушаюць людзей агаворваць сябе на камеру). Мужчыну адпусцілі праз тры дні знаходжання ў ІЧУ пад падпіску аб нявыездзе. Кантроль над чатам «Свабодныя шахматысты Беларусі» страчаны.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым3
Каментары