У Светлагорску сёння раніцай была затрыманая рэдактарка інфармацыйнай кампаніі «Ранак» Юлія Даўлетава, і яе дагэтуль не выпусцілі, паведамляе «Гомельская вясна».
Затрыманне адбылося па месцы жыхарства. Каб не турбаваць дзяцей, Юлія выйшла з кватэры ў пад’езд, пасля чаго дадому не вярнулася.
У чэрвені шэраг работнікаў «Ранка» ўжо затрымлівалі, на іх былі накладзеныя арышты і штрафы за «экстрэмізм у тэлефоне» па артыкуле 19.11 КаАП. Тады Юліі Даўлетавай сярод затрыманых не было.
Пазней сайт «Ранка» быў закрыты, а 4 ліпеня суд Чыгуначнага раёна Гомеля аб’явіў яго і адпаведныя старонкі ў сацсетках «экстрэмісцкімі матэрыяламі».
Затрыманні ў чэрвені адбыліся пасля таго, як «Ранак» першым паведаміў пра выбух і гібель людзей на Светлагорскім цэлюлозна-кардонным камбінаце.
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары