З-за непагадзі ў Беларусі затрымліваюцца цягнікі, некаторыя на дзве гадзіны
Сёння з-за дрэў, якія ўпалі на чыгуначныя каляіны і лініі электраперадач падчас навальніцы з моцным ветрам, цягнікі на некаторых напрамках затрымліваліся.
БЧ паведамляла аб праблемах на ўчастках Орша — Крычаў, Магілёў — Крычаў, Віцебск — Орша, Езярышча — Віцебск, Полацк — Маладзечна і Баранавічы — Мінск. Цягнікі маглі адхіляцца ад графіка да адной гадзіны.
А вось цягнік №721 Масква — Мінск, які адпраўляўся з Масквы ў 16:00, праз складаныя ўмовы надвор'я ў Расіі даехаў да Беларусі са спазненнем на 1 гадзіну і 46 хвілін. Чакаецца, што ён прыбудзе ў Мінск у 00:45 замест 23:01, паведамляе прэс-служба БЧ.
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй46
Каментары