Пагадненне 30-гадовага форварда «Тотэнхэма» разлічана да чэрвеня 2027 года. Ён будзе выступаць за мюнхенцаў пад 9-м нумарам.
Гары Кейн. Фота: Vince Mignott / MB Media / Getty Images
«Баварыя» ў сацсетках і на афіцыйным сайце абвясціла пра пераход форварда «Тотэнхэма» Гары Кейна.
Лонданцы атрымаюць 100 мільёнаў еўра і яшчэ 20 мільёнаў бонусамі.
Гары Кейн згуляў за «Тотэнхэм» 317 матчаў і забіў 213 мячоў, але не заваяваў з клубам ніводнага трафея.
«Баварыя» апошнія 11 гадоў запар выйгравала нямецкую Бундэслігу, а ў 2013-м і 2020-м гадах — Лігу чэмпіёнаў.
Сёння «Баварыя» ў матчы Суперкубка Нямеччыны згуляе з «Ляйпцыгам». Бундэсліга стартуе на наступным тыдні.
Каментары