Марка адзення Conte размясціла рэкламу з актрысай Сашай Борціч, але неўзабаве выдаліла. Што здарылася?
Фатаграфіі вядомай артысткі правіселі ў інстаграме брэнда менш за суткі.
16 жніўня ў інстаграм-акаўнце вытворцы адзення Conte з'явілася фатаграфія з папулярнай актрысай родам з Беларусі Сашай Борціч. У пасце Аляксандра рэкламавала джынсы брэнда.
Але менш чым праз суткі пост быў выдалены. У акаўнце Борціч інфармацыя аб калабарацыі таксама адсутнічае. Мы адправілі запыт у маркетынгавую службу Conte, чаму знікла гэтае фота, але пакуль не атрымалі адказу.
Магчыма, рэч у каментарах прыхільнікаў дзейнай улады, якія пасыпаліся пад пастом. Яны прыгадалі, што ў 2020-м Борціч падтрымала пратэст, а ў 2022-м асудзіла вайну, і пачалі нападаць на брэнд.
«Вам ганьба! Бэчэбэшніца і невайняшка стала вашым фэйсам, вы каго падтрымліваеце? Ці забылі, у якой краіне бізнэс у вас? Вы хоць за 2020 год знайдзіце ў гугле, за што тапіла дадзеная асоба», — напісаў хтосьці.
Былі і іншыя каментары ў падобным духу.
Нагадаем, што да нядаўняга часу тварам брэнда была беларуская мадэль, пераможца конкурсу «Міс Беларусь — 2008», удзельніца міжнароднага конкурсу «Міс Свету» Вольга Хіжынкова.
Зрэшты, гэта не адзіная гучная рэкламная кампанія ў свеце беларускай моды. Незадоўга да публікацыі Conte іншы беларускі брэнд, Mark Formelle, размясціў на сваіх старонках фатаграфіі тэлевядучай і жонкі расійскага коміка Паўла Волі Ляйсан Уцяшавай. Былая гімнастка з аўдыторыяй у 5 млн падпісчыкаў у інстаграм прадстаўляе мінімалістычны дроп чорнага колеру.
Адзначаецца, што Ляйсан удзельнічала ў распрацоўцы капсулы, а сама калабарацыя ў сацыяльных сетках пазіцыянуецца як «Маніфест любові да сябе».
Ацаніць калабарацыю «Mark Formelle плюс Уцяшава» можна ў інстаграм.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары