У сацсетках з'явілася відэа, на якім відаць забетанаваная тэрыторыя на месцы алеі пахавання вагнераўцаў.
На відэа мужчына ў майцы з эмблемай ПВК «Вагнер» дэманструе, што ў сяле Мікалаеўка Волжскага раёна Самарскай вобласці на могілках прыватнай вайсковай кампаніі «Вагнер» замест былых магіл — забетанаваны ўчастак. Крыжы і вянкі з магіл складзеныя па-за межамі могілак, працуе тэхніка.
Як высветлілася, улады плануюць перарабіць могілкі, дзе былі пахаваныя «музыканты», у больш сціплы мемарыял. Тэрыторыя стане роўнай, залітай у бетон. На месцы кожнай магілы павінна з'явіцца чорная піраміда.
Могілкі з'явіліся некалькі месяцаў таму. У сакавіку 2023 года там налічвалася каля 20 радоў магіл. Пазней побач быў пастаўлены манумент, на адкрыццё якога прыязджаў сам заснавальнік ПВК «Вагнер» Яўген Прыгожын.
Такія могілкі з'явіліся ў кожным рэгіёне Расійскай Федэрацыі. Паводле інфармацыі ПВК «Вагнер», у баях ва Украіне загінулі 23 тысяч байцоў кампаніі. Яшчэ дзясяткі тысяч былі параненыя. У адрозненне ад вагнераўцаў, Мінабароны Расіі не агучвае лічбаў страт.
Чытайце яшчэ:
Лагер вагнераўцаў пад Асіповічамі дэмантуюць
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары