Заснавальніка Conflict Intelligence Team Руслана Левіева і журналіста Майкла Накі завочна прыгаварылі ў Расіі да 11 гадоў пазбаўлення волі
Басманны суд Масквы завочна прыгаварыў заснавальніка Conflict Intelligence Team Руслана Левіева і журналіста Майкла Накі да 11 гадоў пазбаўлення волі па справе аб «фэйках» пра расійскую армію, паведамляюць «Осторожно, новости».
Абвінавачанне прасіла для фігурантаў справы пакаранне ў выглядзе 13 гадоў калоніі агульнага рэжыму кожнаму.
Справу ў дачыненні да Левіева і Накі завялі з-за відэа ў ютубе, у якім яны падводзілі вынікі дзявятага дня поўнамаштабнага ўварвання войскаў РФ ва Украіну.
Іх абвінавачваюць у распаўсюджванні «фэйкаў» аб расійскім войску.
Майкл Накі з'ехаў з краіны летам 2021 года, а Руслан Левіеў — пасля пачатку вайны. Абодва абвешчаныя ў Расіі «замежнымі агентамі», а Conflict Intelligence Team — «непажаданай арганізацыяй», нагадвае «Медуза».
Каментары
Світан - гэта сапраўдны адмысловец на ўзроўні узбраенняў, таму ягоныя прамовы прынамсі не выглядаюць зусім дылентантскі, але ва ўсім іншым - гэта ў чыстым выглядзе прапаганда.
Фёдараў - таксама мае пэўныя веды на конт вайсковага будаўніцтва, спачатку ён быў цікавы, але зараз таксама моцна дрэйфуе на бок прапаганды.
CIT наадварот - яны ўвесь час дакладна артыкулююць сваю палітычную пазіцыю, што не перашкаджае ім не замоўчваюць нязручныя дэталі. Відавочна ў іх не заўсёды хапае ведаў, часам яны робяць спрэчныя юрыдычныя высновы, часам памыляюцца і не саромяцца прызнаваць свае памылкі. Таму Левіеў адносна сумны, але вельмі інфарматыўны. Ну а Накі праз сваю журналісцкую кваліфікацыю робіць гэтыя інтэрвью з большага цікавымі.