«Шыкоўны механізм». У Брэсцкай вобласці кіраўнікоў прадпрыемстваў, дзе ёсць запазычанасць па заробках, не выпускаюць за мяжу
Такі наватарскі метад увялі ў Брэсцкай вобласці па ініцыятыве былога кіраўніка КДБ Валерыя Вакульчыка, сцвярджае ў сваім канале прапагандыст Ігар Тур.
«Шыкоўны механізм, кажуць, практыкуюць у Брэсцкай вобласці: дырэктараў, якія не выплачваюць супрацоўнікам заробку, не выпускаюць за мяжу.
Пракуратура ініцыюе, часовае абмежаванне на выезд выпісвае суддзя — усё згодна з законам. Ліквідуецца запазычанасць — забарона здымаецца», — распавядае Тур.
Паводле яго інфармацыі, у гэтым годзе ў рэгіёне так абмежавалі ў перамяшчэнні 11 кіраўнікоў і заснавальнікаў кампаній.
«Як для мяне, прыклад для пераймання па ўсёй краіне. Каб не было спакусы ў кіраўнікоў збегчы з краіны, пакінуўшы людзей без грошай», — піша Тур.
Таксама ён намякае на тое, хто ініцыятар новаўвядзення.
«Дапоўню, што памочнік прэзідэнта па Брэсцкай вобласці — экс-кіраўнік КДБ Беларусі генерал Валерый Вакульчык», — дае знак Тур.
Пракуратура Брэсцкай вобласці ў прэс-рэлізе пацвердзіла выкарыстанне гэтай практыкі.
Каментары