Здароўе66

У Беларусі зробяць вакцыну ад алкагалізму? Спыталі меркаванне нарколага

Некалькі дзён таму стала вядома, што беларускія навукоўцы збіраюцца распрацоўваць вакцыну ад алкагалізму. Гендырэктар прадпрыемства «БелВітуніфарм» Сяргей Бальшакоў запэўніў, што прэпарат дазволіць не псаваць якасць жыцця ў тых, хто ўжывае спіртное. Мы папрасілі нарколага Канстанціна Мінкевіча пракаментаваць гэтую інфармацыю.

Спецыяліст адзначае, што навіна пра вакцыну вельмі няпэўная — няма зразумелай інфармацыі акрамя таго, што вядзецца нейкая распрацоўка. 

Але сама па сабе ідэя зрабіць вакцыну супраць псіхаактыўных рэчываў, якія могуць выклікаць залежнасць, не новая. Канстанцін адзначае, што распрацоўваюцца вакцыны супраць какаіну, нікаціну, апіятаў і амфетамінаў: 

«Калі мы кажам пра пасіўную імунізацыю, вакцына — гэта калі мы ўводзім гатовыя антыцелы да пэўных антыгенаў, супраць якіх жадаем выклікаць рэакцыю. Калі робім актыўную рэакцыю, мы ўводзім самі антыгены, каб яны справакавалі выпрацоўванне антыцел. Малекулы псіхаактыўных рэчываў даволі простыя і маленькія, яны не могуць выступаць у ролі антыгенаў і таму самі па сабе не могуць стаць матэрыялам для вакцыны.

Таму малекулы псіхаактыўных рэчываў трэба звязаць з нейкім досыць вялікім бялком, які мог бы справакаваць імунную рэакцыю. Ідэя ў тым, што ў адказ на ўжыванне такіх рэчываў мусіць узнікаць рэакцыя антыцел, якія замінаюць пранікненню рэчыва ў мозг і, адпаведна, атрыманню той самай псіхаактыўнай рэакцыі, дзеля якой гэтае рэчыва ўжываюць».

Дзякуючы гэтаму чалавек не адчувае таксічных праяваў ужывання рэчыва, ды і не мае ад яго пазітыўнага эфекту, то-бок губляецца сам сэнс шкоднай звычкі.

Што да алкаголю, Канстанцін адзначае, што вакцыну супраць яго спрабуюць стварыць ужо не адзін год у лабараторыях у розных краінах свету, але эфект пакуль што толькі тэарэтычны. Напрыклад, група амерыканскіх навукоўцаў распрацавала генны прэпарат, які ўводзіцца ў арганізм аднаразова і аднаўляе ўзровень дафаміну ў мозгу — у людзей, якія пакутуюць на алкагалізм, сінтэз гэтага гармону пагаршаецца. Але ж такую вакцыну пакуль нават не выпрабоўвалі на людзях.

Канстанцін звяртае ўвагу на яшчэ адзін аспект: «Распрацоўка любога новага прэпарату, у тым ліку вакцыны — гэта досыць вялікія грошы. Не ведаю, магчыма, яны раптоўна ўзяліся аднекуль у беларускай медыцыны. Але ці гэта так, яшчэ пытанне, фінансавы стан беларускай навукі і медыцыны выклікае сумнеў».

Медык падкрэслівае, што ў тэорыі вакцыну ад алкагалізму сапраўды можна стварыць. Але навука пакуль што не перакінула масток ад тэорыі да практычнай распрацоўкі такой вакцыны, каб яе можна было выкарыстоўваць у клінічнай практыцы. Паказальна, што такімі вынікамі пакуль не могуць пахваліцца нават найбагацейшыя лабараторыі свету.

«Наша Нiва» — бастыён беларушчыны

ПАДТРЫМАЦЬ

Чаму некаторыя людзі адчуваюць большую трывогу пасля ўжывання алкаголю, чым іншыя

Навукоўцы абверглі міф, што людзі пасля спажывання алкаголю лічаць іншых больш прывабнымі

Як сумяшчаць алкаголь і трэніроўкі і найменш шкодзіць арганізму

Каментары6

  • Пипеткин
    03.09.2023
    Давайте сначала создадим свой самолёт а потом в самолёте будем создавать вакцины. Хотя может дело не в самолёте . Ведь создали же свою вакцину от ковида-19 которая оказалась самой эффективной в мире, кажется-130% гарантия успешной вакцинации. Так-что в успехе создания новой вакцины не может быть никакого сомнения. Главное это обозначить правильное направление движения в достижении требуемых результатов
  • Максим Дизайнер
    03.09.2023
    Пипеткин, 

    Какой ковид, параноик ковиднутый. Какая вакцина? Все твои "беларуские лекарства" собираются из привозных компонентов. Обколись ты хоть по самые уши своими вакцинами, мозгов от этого не прибавится.
  • Максим Дизайнер
    03.09.2023
    А кто же на селе за 500 рублей в месяц работать будет, если пить перестанут?

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць