У Віцебску за супрацу з «Белсатам» судзяць мужа і жонку. Іх аднагадовая дачка жыве з бабуляй
У СК трапіў архіў відэааператара Вячаслава Лазарава, што захоўваўся на ягоных камп’ютарах і ў тэлефоне. Там знайшліся відэаздымкі, на якіх прысутнічала яго жонка Таццяна Пыцько. На думку следства, такім чынам яна ўдзельнічала ў дзейнасці экстрэмісцкага фарміравання.
Відэааператара-фрылансера Вячаслава Лазарава і ягоную жонку Таццяну Пыцько абвінавачваюць у супрацы з тэлеканалам «Белсат», піша «Вясна».
У СК трапіў архіў відэааператара, што захоўваўся на ягоных камп’ютарах і ў тэлефоне. Там знайшліся відэаздымкі, на якіх прысутнічала яго жонка Таццяна Пыцько. На думку следства, такім чынам яна ўдзельнічала ў дзейнасці экстрэмісцкага фарміравання.
Справу разглядае Віцебскі абласны суд, суддзя — Яўген Буруноў. Судовы працэс ідзе ў закрытым рэжыме.
Вячаслава Лазарава затрымалі ў лютым пасля ператрусу. Пазней стала вядома, што яму выставілі абвінавачанне паводле арт. 361-4 КК (садзейнічанне экстрэмісцкай дзейнасці). 6 чэрвеня затрымалі Таццяну. Пазней стала вядома, што яе вінавацяць у стварэнні экстрэмісцкага фарміравання або ўдзеле ў ім (арт. 361-1 КК).
Дачку Таццяны і Вячаслава, якой днямі споўніўся год і адзін месяц, адразу накіравалі ў дзіцячы шпіталь — так робіцца ў тых выпадках, калі ў дзіцяці няма побач блізкіх сваякоў ці апекуноў, але пазней перадалі бабулі.
Падтрымайце Вячаслава і Таццяну грашовымі пераводамі і пасылкамі: СІЗА-2, 210026, Віцебск, Гагарына, 2, Вячаслаў Дзмітрыевіч Лазараў / Таццяна Леанідаўна Пыцько.
Цяпер чытаюць
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы13
Каментары