10-гадовы хлопчык абакраў краму ў цэнтры Гродна. Раней ён скраў восем ровараў
Увечары ў мінулы чацвер два школьнікі прыйшлі ў гандлёвы цэнтр на вуліцы Савецкай у Гродне, дзе знаходзіцца вейп-шоп.
Скрыншот відэа
Пакуль адзін малы стаяў «на шухеры», яго 10-гадовы таварыш пашкодзіў вітрыну і забраў чатыры вейпы агульным коштам 300 рублёў. Падчас «нападу» гандлёвы цэнтр яшчэ працаваў, а вось «астравок» з электроннымі цыгарэтамі быў ужо зачынены, паведамляе міліцэйскі тэлеграм-канал.
Усе дзеянні трапілі на камеру відэаназірання. Супрацоўнікам міліцыі не склала праблем знайсці дзяцей.
Высветлілася, што дзіця за месяц да гэтага паспела скрасці восем ровараў.
Каментары