Кароль здаў кроў падчас наведвання ў Маракешы пацярпелых ад стыхійнага бедства.
Кароль Марока Мухамед VI стаў донарам крыві для пацярпелых ад разбуральнага землятрусу магнітудай 7,0. Пра гэта паведаміла інфармацыйнае агенцтва Maghreb Arabe Presse.
Паводле яго звестак, кароль здаў кроў падчас наведвання ў Маракешы пацярпелых ад стыхійнага бедства.
На гэты час у бальніцах рэгіёна Маракеш — Сафі знаходзіцца больш за 2,1 тыс. чалавек, 484 з іх атрымалі сур'ёзныя траўмы.
Раней агенцтва паведамляла, што некалькі тысяч мараканцаў па ўсім каралеўстве сталі ў чаргу, каб здаць кроў для сваіх суайчыннікаў.
***
Землятрус у Марока адбыўся ў 23:00 вечарам у пятніцу, калі многія ўжо спалі. Ягоны эпіцэнтр знаходзіўся ў раёне горнага хрыбта Высокі Атлас прыкладна за 72 км ад Маракеша, горада з насельніцтвам каля 840 тысяч чалавек. Штуршкі адчуваліся ў радыусе 400 кіламетраў. Следам за магутным асноўным штуршком рушылі сотні афтэршокаў. Землятрус доўжыўся некалькі хвілін, у гэты момант жыхары выбягалі на вуліцы.
Гэта быў найбуйнейшы для краіны землятрус за апошнія 120 гадоў.
Паводле апошніх звестак, загінулі 2862 чалавекі, параненыя 2562 чалавекі.
Сур'ёзна пацярпеў гістарычны цэнтр Маракеша, які ўключаны ў спіс Сусветнай спадчыны ЮНЕСКА.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары
а-то прыбірай патом яшчэ і за ім