ГУР Украіны паведаміла пра падрыў «невядомымі дыверсантамі» двух самалётаў і верталёта ў Падмаскоўі
На аэрадроме Чкалаўскі 18 верасня 2023 года былі істотна пашкоджаныя два самалёты і адзін верталёт, расследаваннем займаецца СК РФ. Пра гэта ў тэлеграм-канале піша прэс-служба ГУР Украіны.
«Здарэнне выклікала істэрыку ў найвышэйшых вайсковых калідорах — на аэрадроме месцяцца ўрадавыя самалёты, так званыя «самалёты Суднага дня» і спецыяльныя самалёты (самалёты-разведчыкі)», — піша ГУР.
Невядомымі асобамі на аэрадроме, які старанна ахоўваецца, была закладзена выбухоўка і падарваныя самалёты АН-148 і Іл-20, а таксама верталёт Мі-28Н, які да гэтага актыўна прыцягваўся да збіцця ўдарных дронаў над Маскоўскай вобласцю, сцвярджаюць украінскія разведчыкі.
Пашкоджанні самалётаў не дазволяць разлічваць на іх хуткае аднаўленне. У верталёта выбухам пашкоджана хваставая частка. Яшчэ адзін АН-148, які знаходзіўся побач з астатнімі на стаянцы, атрымаў нязначныя пашкоджанні, гаворыцца ў паведамленні.
Цяпер чытаюць
Дэпутат Клішэвіч стаў кандыдатам гістарычных навук з дысертацыяй пра разлажэнне беларускага камсамола ў часы «перабудовы»6
Каментары