Беларусь не Еўропа? Топ-5 краін, дзе адпачывалі летась беларусы
Дазволіць сабе паездку за мяжу змаглі толькі 4% турыстаў.
За мяжу з краіны ў 2022 годзе было здзейснена 3,9 млн паездак у 111 краін свету (але гэта з улікам перасячэння беларуска-расійскай мяжы).
Таму беларускіх турыстаў было каля 350 тысяч чалавек (прыкладна 4% ад насельніцтва краіны), а адпачывалі яны ў сярэднім восем дзён, піша Tochka.by.
Самай папулярнай выязной краінай для адпачынку была Турцыя, што нядзіўна. Яе наведалі больш за 100 тысяч чалавек.
На другім месцы ідзе Расія, там пабывала 80 тысяч турыстаў.
На трэцім месцы Егіпет (50 тысяч), хоць туды з Беларусі лётаюць толькі чартары.
ААЭ таксама трапіла ў спіс (30,5 тысяч), няхай краіна і не з танных.
Ну і замыкае пяцёрку Грузія, туды адправіліся больш за 20 тысяч падарожнікаў.
Турызм у Беларусі
За мінулы год краіну перасекла каля пяці млн замежнікаў. З іх 143 тысяч у складзе арганізаваных экскурсій з 85 краін. 95% усіх турыстаў — грамадзяне Расіі. У сярэднім адпачывалі пяць дзён.
Вялікія лічбы і ва ўнутраным турызме. У паездкі па краіне адправілася каля 1,5 млн чалавек, але практычна заўсёды на аднадзённыя экскурсіі.
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома10
Каментары