Ударніка рэпрэсій паставілі ў начальства РНПЦ нейрахірургіі і неўралогіі
Да нядаўняга часу Віталь Бялкоўскі працаваў у Следчым камітэце, а цяпер будзе адбіраць кадры ў РНПЦ.
На сайце РНПЦ неўралогіі і нейрахірургіі, у раздзеле «Аб цэнтры», можна знайсці склад начальства.
Там, сярод дактароў найвышэйшай катэгорыі, кандыдатаў навук, медыкаў з багатымі прафесійнымі біяграфіямі, сціпла, нават без фота, з пустатой замест апісання кар'еры, вісіць прозвішча Віталя Мікалаевіча Бялкоўскага.
Ведамі па нейрахірургіі Віталь Мікалаевіч не валодае — ён намеснік дырэктара «па бяспецы, рэжыме і кадрах».
Да нядаўняга мінулага ён — палкоўнік Следчага камітэта, браў непасрэдны ўдзел у палітычных рэпрэсіях.
Змены ў кіраўніцтве заўважыў тэлеграм-канал «Белыя халаты». Асобу былога следчага пацвердзілі і «Нашай Ніве».
З лёгкай рукі Бялкоўскага на гады ў калонію адправіліся людзі, якія напісалі побач з месцам забойства Тарайкоўскага словы «Не забудзем».
Гэты ж палкоўнік хлусіў пра тое, што пратэстоўцы нібыта нанеслі вялікія страты Мінску і «пашкоджвалі маёмасць», хаця дэманстрацыі праходзілі выключна мірна.
Наадварот, помніцца, як Мікалай Карпянкоў разбіў вітрыну мінскага кафэ O'Petit.
У любым разе на новым месцы працы Бялкоўскі будзе адказваць за кадры ў той сферы, у якой сам не разбіраецца.
Галоўная ягоная задача не ў падборы і заахвочванні спецыялістаў у нейрахірургіі, а ў пошуку нелаяльных.
Службу Бялкоўскі пачаў у 1996-м з пасады следчага ў Першамайскім РУУСе Мінска. Пасля стварэння Следчага камітэта стаў начальнікам упраўлення арганізацыі расследавання злачынстваў і каардынацыі аператыўна-службовай дзейнасці УСК па Мінску. Даслужыўся да намесніка начальніка ўпраўлення СК па Мінску.
«Наша Нiва» — бастыён беларушчыны
ПАДТРЫМАЦЬ-
У Рэчыцы пад палітычны пераслед трапіў адзін з самых паважаных у горадзе дактароў
-
«Дзімка? Дык які ён шпіён? Гэта проста смешна». Знаёмыя памерлага ў калоніі Дзмітрыя Шлетгаўэра расказалі пра яго і яго сям'ю
-
З'явілася інфармацыя пра затрыманні на БЕЛАЗе. Праваабаронцы звязваюць іх з кпінамі з фірмовых ботаў
Амерыканка расказала, як выкладала ва ўніверсітэце ў Віцебску і нават дала пару ўрокаў міліцыі4
Каментары
большие проблемы с здоровьем и нормальным состоянием мозга, нервной системы, что не удивительно, если смотреть на дела скотного двора в Беларуси.
2. Интересно, как мент будет оценивать квалификацию нейрохирурга, невролога ???
3. Идём к финишу, раз без репрессии и репрессивного надзора с стороны людей не имеющих ни медицинского образования, ни отношения к медицине, руководство скотного двора, не может обеспечить медпомощь для себя и своих холуёв из хамаса русского мира в Беларуси.