Пуцін прыляцеў у Кыргызстан. Гэта першая яго замежная паездка пасля выдачы міжнароднага ордара на яго арышт
Прэзідэнт Расіі Уладзімір Пуцін прыбыў у Кыргызстан з афіцыйным візітам, паведамляе прэс-служба ўрада Кыргызстана.
У рамках візіту Пуцін правядзе перамовы з прэзідэнтам Кыргызстана Садырам Жапаравым, а таксама возьме ўдзел у пасяджэнні Савета кіраўнікоў дзяржаў СНД, запланаваным на 13 кастрычніка.
Пуцін правядзе перамовы з прэзідэнтам Азербайджана Ільхамам Аліевым і сустрэнецца з прэзідэнтам Таджыкістана Эмамалі Рахмонам, піша ТАСС.
У сакавіку 2023 года Міжнародны крымінальны суд у Гаазе выдаў ордар на арышт Уладзіміра Пуціна па падазрэнні ў незаконнай дэпартацыі дзяцей з акупаваных тэрыторый Украіны ў Расію. З тых часоў прэзідэнт РФ не здзяйсняў замежных паездак. Раней чакалася, што першай паездкай Пуціна стане візіт у Кітай, дзе ў кастрычніку пройдзе форум «Адзін пояс, адзін шлях», заўважае «Медуза».
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы46
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары