«Агрэсіўных дзеянняў не рабілі, прыкмет алкагольнага ап'янення не зафіксавана». Трэнер маладзёжкі пракаментаваў інцыдэнт з футбалістамі ў Партугаліі
Учора з'явілася інфармацыя, што гулец беларускай моладзевай зборнай і махачкалінскага «Дынама» Руслан Лісаковіч атрымаў траўму галавы пры падзенні на асфальт пасля гасцявога матча з Партугаліяй. Казалі, што ён агрэсіўна чапляўся да людзей, а потым моцна ўдарыўся галавой аб асфальт. Цяпер з'явіўся каментар наконт гэтай сітуацыі ад галоўнага трэнера зборнай Сяргея Ясінскага.
Сяргей Ясінскі, не адмаўляючы таго, што інцыдэнт сапраўды быў, адмаўляе тое, што ў ім была нейкая віна ягоных падначаленых:
«Пасля гульні, вярнуўшыся ў гатэль позна ўвечары, Лісаковіч з партнёрам выйшлі на вуліцу з мэтай прагуляцца перад сном. На вуліцы да іх падышло двое невядомых людзей з настойлівай прапановай нешта купіць. Слоўная сварка скончылася тым, што незнаёмец нечакана збіў з ног Руслана, той упаў на брук, няўдала стукнуўшыся галавой, і страціў прытомнасць. Выпадковыя сведкі, якія праязджалі міма, выклікалі хуткую дапамогу і паліцыю. Лісаковіча адвезлі ў бальніцу.
Ужо праз паўгадзіны там былі прадстаўнікі каманды. Па сведчанні відавочцаў, ніякіх агрэсіўных дзеянняў нашых футбалістаў не было, прыкмет алкагольнага ап'янення не зафіксавана, што задакументавана ў медыцынскім заключэнні, ніякіх прэтэнзій з боку паліцыі да нашых футбалістаў не выстаўлена».
Паводле Сяргея Ясінскага, на гэты момант Руслан Лісаковіч у Партугаліі пад наглядам лекараў, з ім пастаянна знаходзіцца прадстаўнік каманды.
Руслан Лісаковіч агрэсіўна чапляўся да людзей, а потым моцна ўдарыўся галавой аб асфальт — Трыбуна
Журналіст сцвярджае, што футбаліст моладзевай зборнай пабіўся і трапіў у бальніцу ў Партугаліі. Жонка абвяргае
Названы гульцы зборнай на матчы з Андорай і Ізраілем. Ёсць нават беларус з чэмпіянату Іспаніі. Але не спяшайцеся радавацца
Другі вайсковец, які загінуў пры аварыі МАЗа пад Асіповічамі — 21‑гадовы тэнісіст з Віцебска1
Каментары