Супраць двух братоў распачалі крымінальную справу за абразу Лукашэнкі. Адзін з іх буйны бізнэсоўца
У жніўні 2022 года 50-гадовы жыхар Магілёўскага раёна размясціў «гнеўны абразлівы каментар» у адрас Лукашэнкі.
Паведамляецца, што на наступны дзень гэты каментар «падтрымаў» яго старэйшы брат. Завязалася перапіска, падчас якой мужчыны выказвалі «грубыя і рэзкія выказванні» ў адрас Лукашэнкі.
Цяпер братам выстаўлены абвінавачанні па ч.1 арт.368 КК (абраза Лукашэнкі). З санкцыі пракурора яны змешчаны пад варту.
У апісанні на сайце пракуратуры пазначана, што 50-гадовы магілёвец меў паспяховы бізнэс у галіне вытворчасці тавараў для камфортнага сну. Імаверна, гаворка пра 50-гадовага Юрыя Лапуціна.
Ён валодае кампаніяй «Саніт», якая робіць матрасы, ложкі, мягкую мэблю і аксесуары да іх. Гэта буйная кампанія, толькі вытворчых плошчаў у ёй 3,5 тысячы «квадратаў». Кампанія існуе 17 гадоў і яе абарот — сотні тысячаў даляраў.
Каментары