Беларускі кантрабандыст не змог прайсці праверку на літоўскай мяжы, бо забыўся пасведчанне кіроўцы і моцна хваляваўся
У памежным пункце пропуску «Шальчынінкай» памежнікі праверылі дакументы кіроўцы аўтамабіля Audi 100, які ўехаў у Літву з Беларусі. 42-гадовы грамадзянін Беларусі меў пры сабе пашпарт, але не змог паказаць свае правы кіроўцы — забыўся іх дома.
Памежнікі звярнулі ўвагу на тое, што беларус моцна хваляваўся. Яны вырашылі дэталёва праверыць машыну. У аўтамабілі былі знойдзеныя тайнікі з 1534 пачкамі цыгарэт розных марак з беларускай этыкеткай.
Вадзіцель, яго аўтамабіль і тытунёвая прадукцыя перададзеныя супрацоўнікам мытні, якія расследуюць інцыдэнт.
Каментары