Блогер паказаў, якія падарункі раздаў заўчора Лукашэнка сваім прыхільнікам
Актывіст Павел Дзмітрыеў з Кобрына паказаў у тыктоку, што атрымаў пасля сустрэчы з Лукашэнкам. Той праводзіў у аўторак сустрэчу з моладдзю, і, відавочна, там быў кобрынец.
У наборы — ручка з надпісам «Палац Незалежнасці», набор шакаладу, шапка, шалік з лукашэнкаўскага мерчу і чамусьці тры цукеркі. Блогер кажа, што набор «чоткі».
Аляксандр Лукашэнка 24 кастрычніка праводзіў сустрэчу з моладзевым актывам. Яе прымеркавалі да 105-гадовага юбілею УЛКСМ і да 10-годдзя адкрыцця Палаца Незалежнасці. На сустрэчу былі запрошаныя актывісты Беларускай рэспубліканскай піянерскай арганізацыі, Беларускага рэспубліканскага саюза моладзі, фіналісткі конкурсу «Міс Беларусь — 2023», ветэраны камсамольскага руху.
Каментары