Уладзімір Зяленскі ў відэазвароце да лідараў дзяржаў-чальцоў Еўрасаюза на саміце ў Бруселі заклікаў іх у канцы года падтрымаць пачатак перамоў з Украінай. Згадаў ён і Беларусь, сказаўшы, што яе будучыня разам з Украінай у ЕС.
Прэзідэнт Украіны падкрэсліў, што Украіна выконвае рэкамендацыі Еўрасаюза адносна будучага ўступлення, успомніўшы аб падпісанні закона аб фінансавым маніторынгу палітычна значных асоб, піша «Еўрапейская праўда».
«Украіна практычна рэалізавала сем рэкамендацый Еўракамісіі — і рашэнні, якія былі прасцейшымі, і рашэнні, якія былі складанымі для палітыкаў. І мы разлічваем на ваша адзінства ў адказ — на рашэнне аб пачатку перамоў аб уступленні Украіны ў Еўрасаюз», — дадаў ён.
На думку Зяленскага, гэтая пастанова «шмат у чым вызначыць увесь далейшы шлях Еўрасаюза».
«Або выйграе ўся наша з вамі Еўропа разам з Украінай, разам з Малдовай, а ў перспектыве — разам з Грузіяй і Беларуссю, або… выйграе мінулае. Я ўпэўнены, што вы ўсе — на баку сучаснай Еўропы. Мы павінны перамагчы», — падсумаваў ён.
У аўторак Зяленскі звярнуўся да Калегіі еўракамісараў, якія сабраліся ў Бруселі, пераконваючы іх у тым, што Украіна выканала ўсе рэкамендацыі Еўракамісіі і гатовая пачаць перамовы аб уступленні ў Еўрасаюз.
Еўракамісія рыхтуецца апублікаваць 8 лістапада станоўчую ацэнку прагрэсу Украіны ў рэформах, якія яна павінна выканаць для далейшага руху ў ЕС, аднак гэтая ацэнка можа ўтрымліваць дадатковыя ўмовы.
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
-
Дзмітрый Мядзведзеў: Фінляндыі давядзецца заплаціць за сваю мярзотную русафобію
Каментары