Ноч правёў на лаўцы ля крамы. Адысея дзевяцігадовага хлопчыка з Жодзіна, якога шукалі амаль суткі
Дзевяцігадовы Аляксей Паляшчук прапаў у 19:00 у панядзелак. Ён не вярнуўся са школы дахаты. Яго бачылі ў Мінску, а знайшлі ўжо ў аўторак у Барысаве. Мама хлопчыка Вольга распавяла mlyn.by, дзе ўвесь гэты час бадзяўся яе сын і што з ім адбылося.
— Лёша нам распавёў, што захацеў пакатацца на электрычцы, — дзеліцца падрабязнасцямі «падарожжа» сына Вольга. — Ён думаў, што сядзе на электрычку, якая па крузе прывязе яго назад у Жодзіна. Але электрычка прыехала на канчатковую станцыю ў Мінск і спынілася.
Батарэя ў тэлефоне ў яго разрадзілася. Ён спалохаўся і падумаў, што даедзе дадому на аўтобусе. А аўтобус яго прывёз у Зялёны Луг. Ён выйшаў, быў пачатак першай ночы. Ноч правёў на лаўцы каля крамы «Суседзі».
Раніцай а 5.30 раніцы прыйшоў у краму пагрэцца. Сказаў супрацоўнікам крамы, што яму на трэніроўку рана. У краме яму далі бананаў, кактэйль. Потым ён у людзей спытаў, як даехаць да чыгуначнага вакзала.
Дабраўся, сеў на электрычку да Барысава. Там пазнаёміўся з баскетбольнай камандай. Але электрычка не спынялася на «Жодзіна-Паўднёвае», толькі на станцыі «Жодзіна». Як прызналася дзіця, не ведаў, як адтуль ехаць дадому. І вырашыў паехаць з гэтымі спартоўцамі да Барысава на іх выступ. Сказаў, што вырашыў з імі ехаць назад і ўжо выйсці на «Жодзіна-Паўднёвым».
Ужо на спаборніцтвах у спартыўнай школе хлопчыка па фота пазнаў работнік гэтай установы (інфармацыя аб знікненні Лёшы хутка распаўсюдзілася па сетцы). Мужчына падышоў да яго і паказаў фатаграфію. Лёша пацвердзіў, што на фатаграфіі ён. Тады мужчына звязаўся з міліцыяй — разам яны дачакаліся прыезду супрацоўнікаў.
Цяпер чытаюць
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак1
Каментары