«Апёкі гарачай парай твару, шыі, тулава, рук і ног — стан цяжкі». У Бальніцы хуткай дапамогі расказалі пра стан жанчын, якія пацярпелі ў выніку здарэння ў Оршы
Галоўны доктар Бальніцы хуткай дапамогі Вольга Святліцкая расказала пра стан дзвюх жанчын, якія былі дастаўленыя сёння ў рэанімацыю Рэспубліканскага апёкавага цэнтра пры БХМД у цяжкім стане. Яны пацярпелі пры выбуху аўтаклава на Аршанскім мясакамбінаце.
«У абедзвюх жанчын апёкі гарачай вадкасцю і парай твару, шыі, тулава, рук і ног. 44-гадовая жанчына мае аб'ём паражэння цела 70%. Практычна адразу ва ўмовах аперацыйнай ёй была выканана дэкампрэсійная некрэктамія. Цяпер яна знаходзіцца на штучнай вентыляцыі лёгкіх. Ён праводзіцца медыкаментозная седацыя. Яе стан ацэньваецца як цяжкі», — расказала Вольга Святліцкая.
Другая пацыентка — жанчына 55 гадоў. «Аб'ём паражэння 40%. Жанчына знаходзіцца ў прытомнасці, размаўляе. Стан ацэньваецца як цяжкі, стабільны. Абедзве пацыенткі былі агледжаны кансіліумам лекараў з анестэзіёлагаў-рэаніматолагаў і хірургаў-камбустыёлагаў, у тым ліку афтальмолагам, оталарынголагам і нейрахірургам», — дадала галоўная доктарка БХМД.
Нагадаем, што ўчора на Аршанскім мясакансервавым заводзе адбыўся выкід пары. Прычынай стаў зрыў вечка вертыкальнага аўтаклава для стэрылізацыі прадукцыі ў кансервавым цэху. Траўмаваныя былі пяць чалавек.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары