Стыў Возняк. Фота: Luca Bruno / AP
73-гадовы сузаснавальнік Apple Стыў Вазняк шпіталізаваны ў Мехіка, дзе ён выступаў на бізнэс-форуме, паведаміла выданне TMZ.
Прычынай для звароту да дактароў мог стаць ішэмічны інсульт. Возняк адчуў сябе блага, паскардзіўся на галавакружэнне.
Крыніцы, якія валодаюць сітуацыяй, паведамілі выданню, што Стыў выступіў з прамовай у сераду ў Мехіка на сусветным бізнэс-форуме, пасля чаго сказаў сваёй жонцы, што «адчувае сябе кепска». Затым у яго пачалі выяўляцца сімптомы, што ўстрывожылі яго жонку, якая сказала, што яму трэба легчы ў бальніцу.
73-гадовы сузаснавальнік Apple супраціўляўся, кажучы, што з ім усё будзе ў парадку, але яго жонка настойвала і ў рэшце рэшт настаяла на тым, каб ён адправіўся ў бальніцу.
Зараз Возняк знаходзіцца ў аддзяленні неадкладнай дапамогі бальніцы Мехіка, дзе дактары праводзяць аналізы.
Некалькі чалавек з каманды Стыва вылецелі ў Мексіку на прыватным самалёце, каб на свае вочы ўбачыць, што з ім адбываецца, і адвезці яго назад у ЗША для далейшага лячэння, калі гэта неабходна.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)