Касцёл дазваляе гэта пры ўмове, што «не ўзнікне сітуацый, якія могуць выклікаць публічны скандал ці дэзарыентацыю сярод вернікаў».
Рымска-каталіцкі касцёл выпусціў тлумачэнне ватыканскай Дыкастэрыі дактрыны веры, у якім гаворыцца, што транссэксуалы, як і любыя вернікі, могуць прымаць хрышчэнне, а таксама быць хроснымі бацькамі і сведкамі падчас шлюбу, паведамляе «Настоящее время».
Адзначаецца, што царква дазваляе гэта пры ўмове, што «не ўзнікне сітуацый, якія могуць выклікаць публічны скандал ці дэзарыентацыю сярод вернікаў».
Таксама ў Дыкастэрыі пазначана, што транссэксуал, як і гомасэксуал, можа быць сведкам падчас цырымоніі шлюбу. Для хрышчэння дзіцяці, якое выхоўваецца ў гомасэксуальных сем'ях, неабходна «абгрунтаваная надзея, што ён атрымае адукацыю ў каталіцкай рэлігіі».
Паводле рашэння Архіерэйскага сабора, Руская праваслаўная царква (РПЦ) не прызнае шлюбаў, укладзеных асобамі аднаго полу, а таксама не дапускае шлюбаў тых, хто змяніў пол. Гомасэксуал можа прыняць хрышчэнне, але пры ўмове, што чалавек «прыклаў усе намаганні, каб вызнаваць гэты грэх».
Цяпер чытаюць
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі34
Каментары