У Віцебску адзначылі 400-годдзе мучаніцкай смерці святога Язафата Кунцэвіча і падвялі вынікі літаратурна-мастацкага конкурсу
Кампанія Вольгі Бондаравай пацярпела крах.
Святы Язафат Кунцэвіч з’яўляецца апекуном Віцебскай дыяцэзіі, літургічны ўспамін якога прыпадае на 12 лістапада. У гэты дзень у 400-ю гадавіну мучаніцкай смерці Віцебская кафедра вакол алтара сабрала шмат вернікаў, а сярод іх і ўдзельнікаў літаратурна-мастацкага конкурсу, паведамляе catholicnews.by
Урачыстую эўхарыстыю ўзначаліў біскуп Алег Буткевіч. Падчас гэтай святой імшы за дыяцэзію маліліся таксама ксёндз канонік Віктар Місевіч, канцлер курыі, і ксёндз Генадзій Рэйшэль. Заклік Хрыста, «каб усе былі адно», як для Язафата Кунцэвіча быў жывым і дзейсным словам, клопатам яго жыцця, так і для нас сёння застаецца актуальным. Рэліквіі святога Язафата выстаўлены ў кафедральнай святыні для ўшанавання і асабістай малітвы.
Пасля святой імшы ўсе парафіяне і госці накіраваліся ў парафіяльную кавярню, дзе можна было паглядзець выставу прац, прысвечаных Язафату Кунцэвічу.
38 малюнкаў было даслана з розных куткоў нашай дыяцэзіі і з Мінска. Працы былі выкананыя ў розных тэхніках. Найстарэйшаму ўдзельніку — 64 гады, а наймалодшаму — 7 гадоў.
Нагадаем, што Вольга Бондарава спрабавала перашкодзіць мерапрыемствам па ўшанаванні памяці Язафата Кунцэвіча, але яе захады ні да чога не прывялі.
Цяпер чытаюць
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам5
Каментары