Кіраваць выбарчым штабам Уладзіміра Пуціна ў выпадку яго вылучэння на новы тэрмін будзе кіраўнік Упраўлення ўнутранай палітыкі Крамля Андрэй Ярын, распавялі крыніцы РБК. Пуцін пакуль не абʼяўляў пра свой удзел у выбарах.
Ярын, як і іншыя чыноўнікі, не будзе публічнай фігурай. Як стане называцца яго пасада афіцыйна, пакуль невядома. Магчыма, «кіраўнік апарата штаба», як гэта было ў 2018 годзе. Медыйныя ж функцыі стануць выконваць сустаршыні штаба, кандыдатуры якіх пакуль не вызначаны.
Прэс-сакратар прэзідэнта Дзмітрый Пяскоў у адказ на запыт РБК заявіў, што «пакуль ніхто нікуды не прызначаны»: «Загадзя мы ніколі такое не каментуем і не анансуем».
Андрэю Ярыну 53 гады. З 2016 года ўзначальвае Упраўленне ўнутранай палітыкі Крамля. Знаходзіцца пад заходнімі санкцыямі за дачыненне да атручвання апазіцыйнага палітыка Аляксея Навальнага.
Выбары ў Расіі пройдуць 17 сакавіка 2024 года.
У Мінску адбыліся масавыя затрыманні выдаўцоў і кнігараспаўсюднікаў33
Каментары