Плануецца, што пасля дэмантажу старога моста на яго месцы будзе ўзведзены яшчэ адзін новы мост, па якім будзе пушчаны сустрэчны рух.
Рух па новым мосце праз Бярэзіну з Бабруйска ў Цітаўку адкрылі 13 кастрычніка без помпы і фармальнасцяў, паведамляе сайт bobr.by.
Пасля запуску ў эксплуатацыю новага пуцеправода мостабудаўнікі пачалі актыўна разбіраць стары мост. У лістападзе прыйшла чарга дэмантажу пралётных металічных ферм моста. Іх разразаюць на асобныя часткі, якія выдаляюць з дапамогай кранаў.
Плануецца, што пасля дэмантажу старога моста на яго месцы будзе ўзведзены яшчэ адзін новы мост, па якім будзе пушчаны сустрэчны рух.
Цітаўскі мост (злучае Бабруйск і вёску Цітаўка) быў спраектаваны ў 1934 годзе. Ён ствараўся ў метале са складанымі формамі на апорах, абліцаваных натуральным гранітам.
Падчас вайны быў разбураны, а пасля вызвалення Беларусі адноўлены. Яго даўжыня — 248 м.
Цітаўскі мост доўгі час быў адзіным аўтамабільным у межах горада. Ён быў прадаўжэннем вуліцы Рагачоўскай. Толькі ў 2001 годзе ў Бабруйску пабудавалі другі аўтамабільны мост, які стаў прадаўжэннем Георгіеўскага праспекта.
Сваяк Віктара Лукашэнкі займае высокія пасады ў КДБ. Гэта высветлілася, калі забралі будынак дзіцячай паліклінікі6
Каментары