Памёр карэспандэнт «Расіі-24». Ён атрымаў раненні падчас здымак рэпартажу ў акупаванай Запарожскай вобласці
Напярэдадні ў Мінабароны Расіі паведамілі, што «УСУ нанеслі ўдар з беспілотніка па групе расейскіх журналістаў, якія рыхтавалі матэрыял аб абстрэлах у [акупаванай частцы] Запарожскай вобласці».
Карэспандэнт «Расіі 24» Барыс Максудаў памёр ад атрыманага ранення ў акупаванай частцы Запарожскай вобласці Украіны, піша «Коммерсант».
Раней паведамлялася, што Барыс Максудаў атрымаў аскепкавыя раненні ў выніку ўдару БПЛА па групе расійскіх журналістаў у Запарожскай вобласці. Ён быў дастаўлены ў медустанову ведамства, яму аказана ўся неабходная меддапамога і яго жыццю нічога не пагражае, казалі ў Міністэрстве.
«22 лістапада 2023 года ўзброеныя сілы Украіны нанеслі ўдар асколачным боепрыпасам з беспілотнага лятальнага апарата па групе расейскіх журналістаў, якія рыхтавалі матэрыял аб абстрэлах ВСУ населеных пунктаў Запарожскай вобласці»,— гаварылася ў паведамленні Мінабароны.
ТАСС паведаміў, што ў групе, па якой быў нанесены ўдар, таксама знаходзіўся фатограф агенцтва Аляксей Канавалаў, ён не пацярпеў.
Каментары