У ходзе візіту Ціханоўская сустрэнецца з найвышэйшымі службовымі асобамі краіны: прэзідэнтам Эдгарам Рынкевічам, старшынёй Сейма Дайгай Міерыняй, прэм'ер-міністаркай Эвікай Сіліняй, а таксама дзяржсакратаром Міністэрства ўнутраных спраў Дзмітрыем Трафімавым.
Лідарка беларускага дэмакратычнага руху Святлана Ціханоўская 27 і 28 лістапада наведае з рабочым візітам Латвію, каб звярнуць увагу на рэпрэсіі рэжыму Аляксандра Лукашэнкі і абмеркаваць магчымасці далейшай падтрымкі беларускага дэмакратычнага руху, піша Delfi.lv са спасылкай на Міністэрства замежных спраў Латвіі.
У ходзе візіту Ціханоўская сустрэнецца з найвышэйшымі службовымі асобамі Латвіі: прэзідэнтам Эдгарам Рынкевічам, старшынёй Сейма Дайгай Міерыняй, прэм'ер-міністаркай Эвікай Сіліняй, а таксама дзяржсакратаром Міністэрства ўнутраных спраў Дзмітрыем Трафімавым, старшынёй Рыжскай думы Вілнісам Кірнісам і дзяржсакратаром МЗС Андрысам Пелшсам.
У ходзе візіту таксама запланаваны ўдзел Ціханоўскай у пасяджэнні рэгіянальных дырэктараў па Расіі і Усходняй Еўропе ў МЗС з удзелам прадстаўнікоў міністэрстваў замежных спраў Чэхіі, Даніі, Эстоніі, Вялікабрытаніі, Літвы, Нідэрландаў, Польшчы, Румыніі, Фінляндыі і Швецыі.
На ўрачыстай цырымоніі ў Латвійскай Нацыянальнай бібліятэцы Ціханоўская перадасць дар для Паліцы народных кніг. Акрамя таго, у Ціханоўскай запланаваныя інтэрв'ю для шэрагу прадстаўнікоў латвійскіх мас-медыя.
Цяпер чытаюць
Як у галечы співалася радня Лукашэнкі? Малавядомыя факты25
Каментары