Міністэрства аховы здароўя закупіла партыю бельгійскай вакцыны Прыёрыкс Glaxosmithkline, якая прымяняецца для прафілактыкі захворвання на адзёр. Пра гэта Мінздароўя паведаміла ў сваім тэлеграм-канале.
Паводле паведамлення Мінздароўя, вакцына «Прыёрыкс» ужо ўвезеная і разлічаная на паўгода. Яе мае хапіць усім, каму неабходная вакцынацыя.
Цяпер вакцына праходзіць кантроль якасці, а на працягу двух тыдняў чакаецца яе пастаўка ў медустановы.
Раней для прафілактыкі адзёру ў Беларусі былі даступныя два прэпараты: вакцына Serum Institute of India з Індыі і вакцына Вектар ГНЦ ВБ з Расіі.
Уздым захворвання на адзёр стаў фіксавацца ў нашай краіне з лістапада. Зарэгістраваныя выпадкі ў Брэсцкай, Гомельскай, Мінскай абласцях і ў Мінску.
Каментары