Савет Міністраў зацвердзіў канцэпцыю міграцыйнай палітыкі на 2024-2028 гады. У ёй утрымліваецца інфармацыя пра тое, колькі іншаземцаў жыве ў Беларусі, а таксама якая іх колькасць прыехала ў нашу краіну для працы і вучобы.
У адпаведнасці з дакументам, зніжэнне колькасці замежных грамадзян і асоб без грамадзянства, якія пастаянна жывуць у Беларусі, фіксуецца з 2018 года, калі іх было больш за 173 тыс. Ужо ў 2021 годзе пад гэтую катэгорыю падпадала 171 тыс. чалавек, у 2022 годзе — больш за 169 тыс. чалавек, у першым паўгоддзі 2023 г. — больш за 168 тыс. чалавек.
Акрамя таго, скарачаецца і колькасць замежных гасцей, якія часова жывуць у Беларусі: у 2021 годзе — амаль 50,3 тыс. чалавек, у 2022 годзе — больш за 45 тыс. чалавек, у першым паўгоддзі 2023 года — 41,5 тыс. чалавек.
Адзначаецца, што па стане на 30 чэрвеня 2023 года ў Беларусі жыло ў цэлым каля 210 тыс. іншаземцаў, якія маюць дазвол на пастаяннае альбо часовае пражыванне.
З 2018 года па ліпень 2023-га ў Беларусь афіцыйна прыехала больш за 83 тыс. працоўных мігрантаў.
Пры гэтым усё больш іншаземцаў выбіраюць нашу краіну для атрымання адукацыі: калі ў 2018/2019 навучальным годзе ў краіну прыбыло з гэтай мэтай 23,8 тыс.чалавек, то ў 2022/2023 навучальным годзе — ужо 29,7 тыс. чалавек.
Таксама ў дакуменце паведамляецца, што за першыя шэсць месяцаў 2023 года беларускае грамадзянства набылі 1989 чалавек, а адмовіліся ад яго 396 чалавек.
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам9
Каментары