Чарговы раўнд перамоў па ўмовах пастаўкі расейскай нафты ў Беларусь пачаўся сёння ў Маскве.
Чарговы раўнд перамоў па ўмовах пастаўкі расейскай нафты ў Беларусь пачаўся ў Маскве. Пра гэта паведамляе БелТА са спасылкай на пасольства Беларусі ў Расеі. Перамовы праходзяць у Міністэрстве энэргетыкі Расеі.
Нагадаем, учора ўвесь дзень беларуская дэлегацыя таксама вяла перамовы ў Міністэрстве энэргетыкі Расеі. Па стане на 14.00 у выніку працы экспэртаў пазыцыі бакоў былі максымальна збліжаныя.
Аднак пасля дакладу кіраўніцтву свайго ўрада расійскія перагаворшчыкі адмовіліся ад усіх дасягнутых дамоўленасцей.
Расея і Беларусь увайшлі ў 2010 год без пагадненьня аб пастаўках і транзыце нафты. Цяпер транзыт нафты праз тэрыторыю Беларусі ў эўрапейскія краіны працягваецца, як і пастаўкі на беларускія нафтаперапрацоўчыя заводы.
Раней расейскі бок заявіў, што ў выпадку непадпісаньня пагадненьня з 1 студзеня 2010 году Беларусі давядзецца аплачваць 100% мыта пры пастаўках расейскай нафты. Менск настойвае на захаваньні льготнага рэжыму.
35 маладых беларусаў і беларусак, за якімі варта сачыць: апублікаваны першы спіс Next 3532
Каментары