Віцэ-прэм'ер Петрышэнка паставіў амбітныя задачы перад дзяржаўнымі СМІ
Таксама працягнуць практыку ўзбуйнення рэгіянальных СМІ.
Дзяржаўныя СМІ павінны павялічваць вытворчасць уласнага прадукту на тэлебачанні і радыё, а раённыя газеты — публікаваць больш крытычных матэрыялаў. Гэтыя і іншыя задачы перад Мінінфармам і падначаленымі яму арганізацыямі паставіў віцэ-прэм'ер Ігар Петрышэнка на калегіі, прысвечанай вынікам працы Міністэрства інфармацыі ў мінулым годзе, піша Reform.by.
Тэзісы яго выступу апублікавала прэс-служба ўрада. У прыватнасці, Петрышэнка заявіў, што неабходна ўзмацняць «лідзіруючае становішча дзяржаўных СМІ ў медыйнай прасторы краіны».
Акрамя таго, патрабуецца:
— павялічваць вытворчасць уласнага прадукту на тэлебачанні і радыё:
— працягваць узмацненне грамадска-палітычнага і публіцыстычнага складніка дзяржаўных СМІ;
— развіваць аўтарскую журналістыку і адкрываць у ёй новыя імёны;
— забяспечваць «супрацьдзеянне дэструктыўным праявам» у інфармацыйным полі.
Асобна ён закрануў рэгіянальныя дзяржаўныя СМІ. Практыка ўзбуйнення рэдакцый будзе працягнутая.
«Падыходы да далейшага ўзбуйнення і аб'яднання рэдакцый павінны быць максімальна ўзважанымі. Уважліва аналізуйце дзейнасць ужо створаных медыяхолдынгаў, плюсы і мінусы іх працы і толькі з улікам мэтазгоднасці прымайце рашэнні ў гэтым напрамку», — цытуе Петрышэнка прэс-служба ўрада.
Паводле яго слоў, рэгіянальныя рэдакцыі павінны актывізаваць працу па зніжэнні выдаткаў, аптымізацыі рэдакцыйна-выдавецкіх працэсаў. Пры гэтым патрабуецца працягваць развіццё мультымедыйнага складніка, у першую чаргу інтэрнэт-рэсурсаў, працу ў сацсетках. Петрышэнка адзначыў, што »неабходна павялічваць колькасць крытычных матэрыялаў, уласнай аналітыкі, развіваць аўтарскія калонкі». У гэтым раёнкам павінен дапамагчы Мінінфарм.
Ігар Петрышэнка таксама даручыў Міністэрству прадоўжыць сістэмны аналіз эфектыўнасці дзейнасці рэдакцый і па выніках аказваць ім метадычную падтрымку.
«А Латушка сам сябе будзе люстрыраваць за тое, што чыноўнікам працаваў?» Споведзь былога супрацоўніка БелТА
Хто гэтыя прапагандысты з тэлебачання, каму ўлады асабіста вынеслі падзякі за працу
«З райвыканкамам у нас заўсёды былі канструктыўныя адносіны». Як стаць «экстрэмісцкім фармаваннем», не пішучы пра палітыку
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары
забяспечваць «супрацьдзеянне дэструктыўным праявам» у інфармацыйным полі.