У Лідзе шматдзетнага бацьку затрымалі за «распаўсюд экстрэмізму»
Губазікаўцы таксама вінавацяць яго ва ўдзеле ў пратэстах
Затрыманы — 47-гадовы Сяргей Копаць. Ён займаецца вытворчасцю з дрэва, у асноўным мэблі і іншых рэчаў для дома (напрыклад, лесвіцаў і альтанак). Мяркуючы па сацсетках, у яго ёсць жонка і не менш за трое дзяцей.
У відэа, якое выклалі сілавікі, яго затрымліваюць натоўпам. Ён кажа, што «распаўсюдзіў экстрэмісцкія матэрыялы і выяву свастыкі ў сацсетках». Таксама губазікаўцы пішуць, быццам Сяргей удзельнічаў у пратэстах у Лідзе ў 2020-м, але ніякіх пацверджанняў гэтаму не прыводзяць — мужчына не кажа гэтага ў відэа, не дэманструюцца і фота з пратэстаў.
Губазікаўцы сцвярджаюць, што мужчыну чакае зняволенне, але ідзе гутарка пра адміністрацыйную або пра крымінальную справу — невядома.
«Наша Нiва» — бастыён беларушчыны
ПАДТРЫМАЦЬ
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары