«Без сопляў і слёз». Валерый Лявонцьеў абвясціў пра завяршэнне кар'еры
Развітальнага туру не будзе. Спявак заявіў пра свой сыход роўна ў свае 75 гадоў.
Народны артыст Расіі Валерый Лявонцьеў заявіў аб сыходзе са сцэны ў дзень свайго 75-годдзя. Развітальны тур ён праводзіць не плануе.
«Жанр, на які я паклаў паўстагоддзя, не трывае старэчасці. Я зрабіў у 2019 годзе, на сваё 70-годдзе, шоу ў Маскве ў Крамлі, у Пецярбургу ў «Кастрычніцкім» і сышоў без выбівання грошай з публікі на развітальных турах. Без сопляў і слёз», — цытуе спевака «Маскоўскі камсамолец».
Акрамя таго, артыст падзякаваў сваім прыхільнікам, якія не забываюць яго і віншуюць у сацыяльных сетках з Днём нараджэння.
Валерый Лявонцьеў — расійскі спявак, кампазітар і акцёр, народны артыст Расійскай Федэрацыі (1996), заслужаны артыст Украінскай ССР (1987), шматразовы ўладальнік музычных прэмій «Гукавая дарожка», «Авацыя» і «Залаты грамафон». Запісаў больш за 30 альбомаў.
Сёння яму споўнілася 75 гадоў.
«Вялікі абсалютна чалавек». Коля Лукашэнка расказаў, што для яго бацька і ў чым ягоная апазіцыйнасць21
Каментары